Kanabis sativa ose marihuana ka filluar të kultivohet që para 10 mijë vjetësh.

Është përdorur si fije për të bërë litar dhe rroba, është përdorur si ushqim. Sidomos farat u përdorën për të nxjerr karburante prej tyre.

Pastaj, pëlhura kërpit është me cilësi të shkëlqyera e po kështu dhe letra e kërpit. Gjyshërit tanë tregojnë histori të shumta rreth përdorimit të mëparshëm të marihuanës. Ata thonë që e punonin deri vonë në mbrëmje, sa që kur thahej mirë era e marihuanës i vinteë në gjumë.

Madje, gjyshërit tanë thoshin se marihuanën ua jepnin edhe fëmijëve dhe i vënin në gjumë, pa e ditur efektin e saj. Përdorimi i marihuanës është i shumëfishtë. Madje, përdorimi i saj ndryshon varësisht prej periudhave të ndryshme. Derisa sot marihuana në shumë vende të botës është e ndaluar, ajo dikur kishte përdorim të madh.